Само десет дена до пуштањето во употреба на Филип Втори Арената. На 24 април, прв ден Велигден, таа ќе биде ставена во функција. Нашиот старо/нов фудбалски храм, прерасна во спортска арена од светска класа.
Со интензивна работа во изминатите 3 години, од обичен стадион кој едвај ги исполнуваше меѓународните стандарди, прерасна во храм на спортот во 35 000 седишта, новинарски ложи, ВИП сектор, простории според светски стандарди и огромен подтрибински простор.
Се планира во иднина, во целост да се промени теренот, да се постави нова атлетска патека, како и да се направи надворешна обвивка околу стадионот, кој би бил целосно илуминиран.
