Во рамки на фестивалот за електронска музика и медиумска уметност de:sonanz, од 29 септември до 2 октомври 2011 година во Скопје, ќе се одржи аудио работилницата „Sample & Hold” со германскиот артист и продуцент Шнајдер TM (Дирк Дреселхаус). За учество на работилницата може да се пријават професионални артисти од југоисточна Европа најдоцна до 10 јули 2011 година.
Основната идеја на работилницата е да се компонираат и продуцираат траки, звучни колажи или песни базирани на електронски/дигитално обработени теренски снимки, кои во повеќе помали групи ќе се прават низ градот Скопје во текот на првите 2 дена од работилницата. Од направените снимки во мали групи и ќе се продуцира музика и live-set up од звуци кои на крајот ќе бидат преставени во живо.
Опрема:
Секој учесник треба да донесе сопствена опрема, на пример:
– HD / SD-Card Recorder, може и iPhone.
– Laptop / Computer со Audiosoftware, на пример: Logic, ProTools, Ableton Live или Hardware-Sampler / Grooveboxes
– слушалки
– екстерни ефекти: Delays, Kaoss Pads и слично.
Кој може да се пријави?
Може да се пријават артисти кои имаат претходно искуство со продукција на електронска музика и кои сакаат да соработуваат со артисти од ЈИЕ.
Начин на пријавување
Симнете го формуларот од веб-страната на Гете – институт Скопје, пополнете го и испратете го на desonanzfestival@gmail.com наjдоцна до 10 јули 2011 година.
Изборот на учесниците ќе го направи Шнајдер TM.
