Вечерва (недела, 24 јули 2011 година) на програмата на Бит Фест – Битола:
24.07 Поетски фестивал ,,Поетски синтези” 21:00 часот Магаза
Поетско читање на 15 тина поети од повеќе градови од земјата Скопје Штип, Радовиш, Струга, Куманово и од Торонто, Канада. Фестивалот ќе го отвори Проф.Д-р Пере Аслимовски проректор на Универзитетот Свети Климент Охридски, а ќе учествуваат Трајче Кацаров овогодишен добитник на наградата на Друштвото на писатели на Македонија, Лјерка Наумова од Скопје, Борче Панов од Радовиш, Проф. Д-р Даниела Андонова Трајкова и други.
Носител на оваа манифестација е Здружението за култура и образование ,,Нова” од Битола. Фестивалот се одржува по трет пат. По поетското читање стручното жири што го сочинуваат професори естетичари ќе ја доделат наградата ,,Поетска муза” за најдобра стилска композиција и интерпретација на лирска песна на фестивалот.
Следниот ден, во понеделник, во Центарот за култура во малата сала ќе се одржи традиционален поетски симпозиум,,Поезијата на Матеја Матевски, современи аспекти и согледувања” На овој начин поетски синтези ја поддржуваат прославата на Матевски како добитник на највисоката меѓународна награда на струшките вечери на поезијата. Модератор на симпозиумот е Мирјана Стојановска Палигора.
24.07 Концерт P.O.Box & Nina School(Белгија, Италија, Франција) 22:00 часот Широк Сокак
Во нивната турнеа низ Европа, по посетата на Бугарија доаѓаат во Македонија, во Битола
P.O Box е бенд од Франција.Нивната прва свирка беше во 2001 во Франција, оттогаш бендот е на интензивна турнеја низ Европа, постојано зголемувајќи ја својата репутација.. Илјадници и илјадници километри поминаа по европските патишта додека стигнаа до нивниот деби албум. ,,Овој бенд има своја порака”
Различни, сензационални, исклучителни. Тоа се P.O.Box. Поради постојаното менување на природата на нивната музика за овие момци може да се напише дека имаат музика која е слободна мешавина на панк,ска и метал рифови, што можеби е незамисливо, но тоа е токму она што ги прави не само добар туку и многу голем бенд. Нивната посебност се состои во моќта сите три жанрови да се вклучат во една песна. Секоја песна е посебна и секоја има да понуди нешто ново на слушателите.
Хенингс од Ubersee Records за нив вели дека Тие се најголемиот европски состав на нивниот список.
24.07 Филмски денови ,,See a Paris” Универзитет за аудиовизуелни уметности ЕСРА 22:00 часот Магаза
,,Источни игри”,Бугарија филм на Камен Колев (специјална награда на фестивалот)
Двајца браќа кои го имаат изгубено контактот помеѓу себе се наоѓаат во ситуација кога се на различни страни од расистички судир. Додека Ѓорѓи кој неодамна се придруѓил на неонацистичка група учествува во насилство, Ицо како сведок спасува турско семејство.
Ѓорѓи сега треба да учествува во уште поголем настан и се преиспитува кои би биле импликациите од таа акција, додека Ицо се прашува дали прекрасната турска девојка која ја има спасено може да биде неговиот билет за излез од тажниот живот на Софија. Само со повторно обединување помеѓу двајцата браќа тие ќе бидат во состојба да пристапат кон она што сакаат да го постигнат во своите животи.