Вечерва (сабота, 13.04.2013) во кино Фросина, во Младинскиот културен центар, ќе се одржи концерт на групата Kabadayаs со почеток од 21:00 часот.
Kabadayas е група составена од четворица музичари, кои преку овој состав ги искажуваат своите музички афинитети и авторски размислувања на еден свој, оригинален начин. Инспирацијата за своите композиции ја земаат од модерните текови на светската музичка сцена, традиционалните мелодични и ритмички изрази на македонската музика како и од големото концертно искуство кое го имаат како поединци на голем број европски и светски музички збиднувања, фестивали, концерти итн.
Музиката на Kabadayas, сама по себе е мешавина на македонските традиционални мелодични и ритмички изрази, кои ги преминуваат границите допирајќи длабоко во сферата на jazz, funk, drum & bass и dub музиката.
