Vatican Shadow доаѓа во Скопје

Култниот херој на модерната електронска музика Vatican Shadow во среда (27 август) настапува во Скопје.

vatican_shadow_skopje

Vatican Shadow на својот настап во живо ги носи во Скопје не само своите егзотични машини туку и целата своја сценска енергија која од неговите аудио-визуелни настапи прави ерупција на сирова моќ, аурален хедонизам и хипнотички танц!

Енигматичниот Dominick Fernow (Vatican Shadow) преку разни проекти и алиаси досега има издадено над 50 албуми за издавачки куќи од рангот на Blackest Ever Black, Bed of Nails и Modern Love, а во последната деценија ја води својата култна етикета – Hospital Productions. Проектот Vatican Shadow постои од 2011 година како името под кое Dominick ги издава изведува своите моќни, примордијално сирови и ритуалистички техно траки кои не само што ги освоија клубовите низ целиот свет, туку и привлекоа големо внимание од страна на светскиот музички печат како The New Yorker, Pitchfork Media, The Village Voice…

Неговиот настап во Скопје е во организација на Btkrsh, а ќе биде поддржан од страна на поголем број бендови и артисти од регионот, меѓу кои Spewn, Стагнатор и Gargoylez, електронската групација Vertical Sofa, како и DJите од BTKRSH екипата.

Настанот ќе се случува на два подиума, при што Vatican Shadow ќе заземе централен термин во отворениот (долен) дел од Капан Ан, додека низа на визуелни изненадувања под палката на Lazy Kidz Visualz ќе придонесат за максимално синестетичко доживување!
VATICAN SHADOW (live)
[USA // Hospital Productions]
http://www.residentadvisor.net/dj/vaticanshadow
http://www.discogs.com/artist/1695461-Vatican-Shadow
http://hospitalproductions.net/

You May Also Like