Синоќа во Културно-информативниот центар на Република Македонија во Софија беа промовирани 9 тома од оставината на Павел Шатев.
Досега необјавуваниот пишан материјал од Шатев, предизвика големо внимание кај публиката во Софија. Оваа капитална едиција на великанот на македонската историја ја промовираа проф. Д-р Зоран Тодоровски, Предраг Димитровски, Нове Цветаноски и Васко Шутаров.
Промоцијата на оставината на Павел Шатев во Софија е реализирана во соработка на книгоиздателството “Македоника Литера”, Државниот архив на Р. Македонија и КИЦ на Република Македонија во Софија, а проектот е комплетно помогнат од Министерството за култура на Р. Македонија.
Оставината во 9 тома од Павел Шатев од денес се наоѓа во фондот на Библиотеката на нашиот Центар во Софија, со можност да бидат изнајмена за читање.