На главната бина на Exit 2012 ќе настапи еден од најбитните поп бендови на сите времиња и легендите на њу вејвот – Duran Duran. Љубителите на поп сцената, секако ќе ги израдува и веста дека на Fusion бината е потврден шведскиот електронски бенд Little Dragon, еден од најплодните состави на скандинавската инди поп сцена.
Нешто потполно поинаку претставува Happynovisad Stage-от кадешто ќе настапат неколку имиња од дискографската куќа R&S Records – Teengirl Fantasy Live, Lone, Pariah и The Chain, додека на Електрана е најавен Sneaky Sound System.
Состав кој во својата досегашна кариера продал повеќе од 80 милиони плочи и воедно ги изменил животите на милионите фанови ширум светот – Duran Duran доаѓа на Егзит во оригиналната четворка, во состав Џон Тејлор, Роџер Тејлор, Ник Роудс и Сајмон Ле Бон, со гитаристот Дом Браун. Во текот на целата своја кариера, Duran Duran беа познати по совршените радиски поп песни, елегантниот новоромантичарски изглед и гламурозните декадентни видео спотови, меѓу кои последниот, снимен за песната Girl Panic! кон крајот на минатата година ги прикажува светските топ модели Јасмин Ле Бон, Синди Крафорд, Наоми Кемпбел, Ева Херцигова и Хелена Кристенсен како членови на бендот.
Бендот ги освои најважните музички награди за време на својата кариера – Греми и Брит наградите, преку МТВ и Q магазинот, па се до двете Ivor Novello награди, додека сингловите им беа 14 пати во Топ 10 листи на синглови, а дури 22 пати во стотте најдобри синглови на Билборд. На Егзит фестивалот бендот ќе го претстави својот последен, тринаести по ред албум – All You Need Is Now, снимен под продуцентската палка на добитникот на Греми и големиот фан на бендот – Марк Ронсон, а секако ќе имаме можност и да уживаме во легендарните хитови Rio, Hungry Like the Wolf, Girls on Film, Ordinary World, Come Undone, како и A View to a Kill од истоимениот филм на Џејмс Бонд серијалот.
Вистинското летно поп освежување доаѓа на Fusion бината! Под името Little Dragon се крие четиричлен состав на чело со прекрасниот вокал на пеачката со јапонско потекло – Yukimi Nagano. Тие досега објавиле три студиски албуми, од кои последниот, Ritual Union од минатата година ги собра сите позитивни критики од публиката и критиката. Rolling Stone го опишува албумот како “тенка линика помеѓу футуристичкиот соул од нивниот деби албум, како и синт-поп поетиката од вториот албум Machine Dreams од 2009. година.” Сите се сложуваат дека најважната нитка во бендот е префинетиот глас на Yukimi Nagano, а колку е истата почитувана во музичкиот свет докажуваат и многубројните колаборации со бендовите како Gorillaz, DJ Shadow и SBTRKT.
Бината Happynovisad за претстоечкиот Exit подготвува вистинска музичка авантура од кујната на независната дискографска куќа R&S Records, а тоа се: Teengirl Fantasy Live, Lone, Pariah и The Chain. На веќе најавените When Saints Go Machine, на Електрана се приклучуваат и автралијанците Sneaky Sound System, во кого членуваат гитаристот и продуцент Black Angus и пеачката ConnieMitchell.
Својот настап на овогодинешниот Exit, кој ќе се одржи од 12 до 15 јули веќе го потврдија легендарните Guns N’ Roses, култните New Order, world music сензацијата Buraka Som Sistema, a Dance арената ќе ја угости познатата етикета Cadenza Records. По тој повод во Нови Сад доаѓаат Luciano, Reboot, Kenny Larkin, Robert Dietz и Maayan Nidam.
Уште една поволност. Ако вашата екипа сеуште не набавила влезници за Exit, пребројте се, бидејќи од 19. март веќе стартиваше акцијата 4+1. На сите 4 купени влезници Exit петтата ја подарува бесплатно, со сместување во Exit вилиџот за сите вас! Акцијата трае до 15 април.
Влезниците за Exit во Македонија можете да ги набавите само на официјалното продажно место, во Југотон (Скопје, Градски Трговски Центар, први кат).