Од 9 до 15 октомври во домот на културата „Тошо Арсов“ ќе се одржи четвртиот фестивал на хуморот и сатирата „Ин Виница веритас“, поддржан од самата општина.
Од годинава покрај сатирично-хумористичните претстави и карикатурите, се воведува и афоризмот како најкратка, но темелна форма на хуморот и сатирата. За време на фестивалот карикатуристи ќе работат со децата во училиштата на изработката на карикатури.
Освен во домот на културата, дел од содржините ќе бидат изведувани и на алтернативни локации и во доцните вечерни часови, со цел да се анимира публиката од градот и околните населени места.