На годинешното издание на „Здраво Млади“ визуелизациите ќе бидат приготвени од 3 интернационални VJ-и. Станува збор за VJ Vjunk и VJ Vidbeat од Турција и VJ Random Doctors од Финска со настап во живо!
Овие исклучителни креативци ќе направат престојното издание на фестивалот Здраво Млади да биде незаборавно визуелно искуство за публиката.
Воедно најавена е отворена работилница на 16.05 во просториите на МКЦ.
Програмата на работилницата „Младите Виџеи“ ќе биде следнава:
– Вовед и основи во Vidvox/VDMX софтвер за видео миксање во живо.
– Сценографија и видео мапирање на 2D и 3D објекти (3D коцки, сферични објекти и др.) преку користење на Maxon Cinema 4D, Adobe Photoshop и Vidvox/VDMX.
– Креирање на 3D видеа преку користење на Adobe After Effects (3D очила)
– Излагање на предавачот за историјата на Виџејството и споделување на неговите идеи за сценографијата, како и Виџејството, како нова платформа во музичката индустрија. Исто така, примери за развојот на видео мапингот во музичката индустрија ширум светот.
Пријавувањата се вршат на: marga@mkc.mk и бројот на учесници на работилницата е ограничен.
Здраво Млади ќе се оддржи на 17.мај на 2 фестивалски бини, а настапуваат 13 музички артист од 8 различни држави, што заедно со VJите креира бројка од 16 изведувачи од 10 различни држави. Билетите се во продажба во Југотон, 1/2 Југотон и МКЦ и чинат 400 денари, а на денот на оддржување на фестивалот ќе чинат 600 денари.
Комплетна програма:
Konrad Kuechenmeister – Германија
Bitches – Англија
Ти – Србија
Girls Names – Северна Ирска
Chinawoman – Канада
FM Belfast – Исланд
Green Out – Македонија
Кантон 6 – Македонија
The John – Македонија
DJ Rashad & DJ Spinn – САД
Game Over – Македонија
Ulterior – Македонија
VJ’s
VJ Vjunk – Турција
VJ Vidbeat – Турција
VJ Random Doctors – Финска
