Заради големиот интерес што го предизвика доаѓањето на SWAMI Anand Ramesh Vaishampayan од Art of Living Индија, вo петок (2 ноември, 2012) во Спортскиот Центар Борис Трајковски /конгресна сала/ од 19:00-21:00 часот ќе се одржи Блиска вечер со Свами Ваишампајан.
Средбата ќе биде од отворен карактер за сите оние кој сакаат да ги запознаат древните знаења и мудрости на Индија.
SWAMI Anand Ramesh Vaishampayan доаѓа во Македонија како специјален гостин на престојниот Body, Mind & Spirit Festival кој ќе одржи од 03-04.11.2012 година во Скопје.
Swami Vaishampayan е почитуван интернационален учител во рамките на Фондацијата Уметност на живеење кој доаѓа од Индија. Поголемиот дел од животот го поминува патувајќи низ светот со цел ширење на љубов, радост и мир во срцето и душата. Целиот живот го посветува на споделување знаење и мудрост за подобар живот и соживот, полесно справување со секојдневните предизвици и создавање на што поголем број насмевки кај луѓето. Самиот тој плени со својата едноставност и ведрина.