На 12 мај (недела) со почеток во 19:00 часот во Менада ќе се одржи ЗУМ Австрија, ревија на современи кратки и документарни австриски филмови.
ЗУМ Австрија преставува селекција од најновите кратки и документарни филмови, збир од најразлични стилови и пристапи од млади австриски режисери. Селекцијата овозможува запознавање со современата, во голем дел независна и некомерцијална австриска продукција. Понудените филмови генерално не можат да се најдат во комерцијална дистрибуција и затоа ваквата проекција нуди уникатна можност за нивно гледање. Многу од филмовите претставуваат општествено ангажирани приказни, кои одразуваат и се занимаваат со интересни општествени теми и проблеми со кои се соочуваат нашите општества .
ЗУМ Австрија е обид за промовирање на младите австриски уметници/филмски уметници во Скопје и на пошироката македонска публика.
ЗУМ Австрија е организиран од Ljubljana International Short Film Festival (SLO), кој континуирано ја промовира австриската младинска кинематографија во Љубљана, како и во други држави во Европа, вклучувајќи ја тука и Македонија.
ЗУМ Австрија се организира со поддршка на Австриската амбасада во Република Македонија и австриското Министерство за образование, култура и уметност.
ЗУМ Австрија ја искажува и својата огромна благодарност до домаќинот на фестивалот Менада, до Златко Панзов за неговата помош при организација и промоција и до Бисера Анастасова за превод.