Продолжува уредувањето на зеленилото во градот

Во рамките на програмата на Град Скопје за уредување и одржување на јавните зелени површини, екипи на Градот денови  интензивно работат на уредување на  повеќе  зелени површини  низ градот.

На булеварот  АСНОМ, односно на површина на 4 620 квадратни метри,  екипите поставуваат  хидрантска мрежа во должина од 520 метри  и систем капка по капка.

На булеварот Илинден, на потегот од раскрсницата на улица МАНАПО до раскрсницата со улица Љубљанска,  се уредува  страничното зеленило на површина од 1 500 квадратни метри  и  се поставува хидрантска мрежа од 220 метри  и прскалки.

Во тек е и садењето на листопадни садници  на  повеќе локации низ градот. Листопадни дрвца се садат во: Ботаничката градина во кругот на Зоолошката градина, во Градски парк, во  паркот Жена-Борец, на Плоштад Македонија, на булеварите  Видое Смилевски – Бато,  Војводина, Свети Климент Охридски, Илинден и Србија, на улиците  Братфордска, 2 Македонско-косовска бригада и  Благоја Стефковски, како  и на јавна површина во населбата Маџари (Триангла).

Се поставува и хидрантска мрежа на површина од 1 400 квадратни метри во кружниот тек што се гради на раскрсницата  на улица  Лазо Трповски со улица  2 Македонска бригада.

На терен работат  екипите на ЈП „Паркови и зеленило.

You May Also Like