Проекција на „Тајната книга“ во чест на Владо Цветановски

Во чест на прерано починатиот Владо Цветановски, еден од најистакнатите театарски дејци и педагози во Македонија, а воедно и еден од авторите кои оставија длабока трага во македонската филмска историја, денеска (4 ноември, недела) во 20:00 часот, Кинотеката на Македонија организира проекција на неговиот филм „Тајната книга“.

Кинотека на Македонија
Кинотека на Македонија

Цветановски повеќе децении беше значаен дел од македонското културно миље, а како доказ за тоа е и оваа проекција во чест на неговото севкупно дело.

„Тајната книга“

игран филм, Македонија

2006, 93 мин., колор, 35 мм.

режија: Владо Цветановски

сценарио: Јордан Плевнеш, Љубе Цветановски

улоги: Жан-Клод Карие, Тиери Фремон, Владо Јовановски, Мето Јовановски, Ѓорѓи Јолевски, Лабина Митевска

Богомилското духовно движење и неговата доктрина се привлечна мистерја за истражувачите на балканското средновековие. Еден од најпосакуваните манускрипти, е т.н. Тајна книга која содржи резиме на богомилското учење и се смета за автентично дело на богомилската литература. Но, оригиналот на Тајната книга не е пронајден до ден-денес. Еден запис во Каркасонските летописи упатува на вистината дека Тајната книга на богомилите потекнува од балканските простори, од Македонија. И токму поради Тајната книга, на просторот на Македонија ќе се сретнат повеќемина научници и истражувачи кои ќе направат обид да ја пронајдат, да ја одгатнат повеќевековната загатка…

Влезот е бесплатен.

You May Also Like