Во најновиот број на водечкото индиско електронско списание за поезија на англиски јазик, „Инчентин версис“, објавени се песни од македонска поетеса Весна Ацевска. Поезијата на Ацевска е објавена во рубриката „Истакнати поети“ и проследена е со опсежна био-библиографија.
Освен од нашата поетеса, во ноемврискиот број на списанието се објавени песни од еминентниот индиски поет Џајанта Махапатра, кому му е доделено признанието „Восхитувачки поет“ за исклучителен придонес во современата поезија, од пакистанската поетеса Кишвар Нахид, критички осврти за поетски книги од Сандра Фаулер и др.
Овој број на „Инчентин версис“ го уреди проф. д-р Сукрита Паул Кумар.
Весна Ацевска е позната македонска поетеса, прозаистка и преведувачка. Авторка е на шест поетски книги, а избори од нејзината поезија се преведени и објавени на повеќе јазици. Ги има добиено наградите „Браќа Миладиновци“, „Григор Прличев“ и др.