Во четврток (23 мај) во периодот помеѓу 20:30 и полноќ, во Дамар, ќе имате можност да проследите интересен перформанс/изложба – “Welcome To DreamVille“.
– “Уметноста мора да биде убава“ – ние без иронија сакаме да веруваме во оваа изјава. Се обидуваме да ги оживееме парчињата сон и да им дадеме облик на детските фантазии. Тоа е нашиот бунт во свет кој те тера да бидеш постојано стар. Во нашата утопија градиме сè што ќе посакаме: империја од играчки, емоции со лица, еднорози што танцуваат, облаци кои може да се допрат, дожд од гумени бомбони… Овде единствениот концепт е “убаво“. Што и да ви значи тоа, велат организаторите.
Од 21:00 до 22:00 часот – Перформанс “Уметникот е огледало”
Музички настап на Andreas Hz.
Фотографирање на “црвен тепих“. Изложбата ќе трае само еден ден.
– Дојдете заедно да избегаме за да се најдеме пак. Влезница е желбата да се разбудите во сон, ни порачуваат организаторите.