Во саботата, учениците од ОУ „Лазо Ангеловски“ покрај прославата во училиштето, се приклучија и на прославата на Европскиот ден на јазиците организирана од СГУ „Јосип Броз Тито“ и Асоцијацијата на наставници по англиски јазик и книжевност на Република Македонија, а во соработка со Министерството за образование и наука и ЕУ Инфо центарот.
Во рамките на прославата учениците учествуваа во две активности: спојување на поговорки од различни јазици и трка во која требаше да погодат на кој јазик припаѓа однапред даден збор и да го стават на соодветното место за тој јазик. Ученици од ОУ „Лазо Ангеловски“ покажаа вистински натпреварувачки дух и се забавуваа заедно со другите учесници во овој настан и изразија задоволство што имаа можност да учествуваат на еден ваков настан.