Министерката за култура Елизабета Канческа-Милевска денеска (17 октомври 2014 година) во 11:00 часот во објектот „Порта Македонија“ ќе се обрати на свеченото отворање на Mеѓународниот научен симпозиум „Денови на Јустинијан I“.
Mеѓународниот научен симпозиум, кој годинава го има своето второ издание, e во организација на Универзитетот „Евро-Балкан“ и Универзитетот во Болоња, а се реализира со поддршка на Министерството за култура на Република Македонија и во партнерство со Италијанската амбасада во Република Македонија.
На свеченото отворање свое обраќање ќе имаат проф. д-р Митко Б. Панов, претседател на меѓународниот организациски и научен комитет на Симпозиумот, како и амбасадорот на Република Италија во Република Македонија, Ернесто Масимино Белели.