Денеска (19 ноември, 2012, понеделник) во Библиотеката „Другарче“, што се наоѓа во просториите на Кинотеката на Македонија, во 13 часот ќе биде отворена традиционалната 39-та Меѓународна изложба на детски цртежи.
Изложбата се организира од 1973 година, се одржува во чест на Денот на ослободување на градот Скопје, 13-ти Ноември, а е во организација на Детскиот ликовен центар-Скопје и Градското Здружение на ликовни педагози, институции коишто беа официјално регистрирани во месец ноември, далечната 1969 година.
Покровител на Меѓународната детска ликовна изложба „13-ти Ноември 2012“, како секоја година, така и оваа, е Градот Скопје.
