Денеска (27 ноември 2012 година, вторник), во 20:00 часот, ДЛУМ во соработка со Отворено графичко студио, ја отвoраат „1-та Меѓународна Екс Либрис изложба Скопје 2012“.
На оваа графичка изложба ќе учествуваат 36 автори од повеќе земји од светот како и домашни автори со повеќе од 70-тина дела – Екс Либрис графики минијатури. Изложбата ќе биде отворена во галеријата на Отворено графичко студио при Музеј на град Скопје.
Поставувањето на ваков вид на графичка изложба од меѓународен карактер е од огромно значење за нашата графичка сцена имајќи во предвид дека се работи за реномирани автори – графичари од Индија, Словачка, Египет, Србија, Бугарија и Македонија.