„Крал на пингвините 3D“, е документарен филм кој низ возбудливата приказна на еден возрасен пингвин говори за скриените и недостапни предели на Антартикот. Филмот ќе се најде на репертоарот на киното Cineplexx почнувајќи од 3-ти јануари.
Пределот во кој живеат пингвините на целата јужна хемисфера не е лесно да се освои и да се зачува свое место на него. Нашиот херој мора да се натпреварува со стотина други пингвини со цел да стане крал и да најде девојка за себе. Тој мора да го издржи ледот, снегот и смртоностните бранови. Мора да се бори против грабливците кои го напаѓаат од море, копно и воздух. Сепак, најголемиот тест го поминува кога ќе се случи трагедија, а неговото семејство зависи од него. Дали е доволно силен да ја издржи и најтешката задача?
„Крал на пингвините 3D“ е синхронизиран и на македонски јазик.