Вечерва (петок, 22.06.2012) во изложбениот простор над кино Фросина во МКЦ (Младинскиот културен центар) со почеток во 20:00 часот, ќе биде отворена групната изложба „Од друг агол“.
Вкупно 13 млади уметници: Моника Ризовска, Симона Стојановска, Мартин Петровски, Дина Ристовска, Андријана Ристовска, Тарас Кузнецов, Никола Стојковски, Јулија Урумовска, Драган Петрески, Лилјана Матевска, Неда Петковска, Ирена Николовска и Љупка Tантуровска ќе ни ги претстават своите најнови уметнички дела.
Инспирирани од моќта на позитивната енергија и објективноста, идејата е да се истакнат бројните алтернативи за различен поглед кон нештата. Посетителите ќе можат да погледнат над 40 слики (масло и акрил на платно), акварели и фотографии.
Изложбата ќе биде отворена до 28 ми јуни.
Александра Овчарска