Во Ликовниот салон во Велес синоќа беше отворена ликовната изложба на Сара Ајник ликовен уметник од Израел. На изложбата насловена „Јас Ти и Оние“ поместени се 31 дело еден вид ликовен перформанс од Сара Ајник.
Во презентацијата на изложбата Елица Николова директор на Народниот музеј од Велес појасни дека Сара Ајник потресена од суривоста на нацизмот кој оставил страдања и смрт на нејзиниот еврејски народ тоа го преточила и раскажала во нејзините слики,компјутерски обработени фотографии,кои се длабоко емотивни потресни полни со немир, насловени „Јас Ти и Оние“.
Уметничката Сара Ајник појасни дека изложбата на која работела две години во 2008 година прво била презентирана во Романија, земјата на нејзините родители, а во 2011 година таа целосно изложбата ја подарила на новоотворениот Музеј на Холокаустот на Евреите во Македонија во Скопје,кога и првпат била претставена во Македонија.
– Во документирањето на нивните ликови на мојот народ, јас не сакав да ги допирам нивните за мене свети ликови, затоа одлучив на сите слики, ликот да биде моето лице кое е насекаде во делата. Преку изложбата на посетителите сакам да им порачам дека мојот Еврејски народ кој бил убиван или ги преживеал од стравотиите на Холокаустот, сепак биле луѓе како јас,ти и оние, и на местото на нивните ликови можеш да ставиш било кој човечки лик и тоа ќе биде исто, потенцира Сара Ајник.
Организатор на изложбата е Фондот на холакаустот на Евреите од Македонија, а во Велес во соработка со Народниот музеј, по повод 71 година од депортацијата на 7.144 македонски евреи во злогласениот логор на смртта –Треблинка.