Стручното жири на Струмичкиот карневал синоќа во НУ Центар за култура „Антон Панов“ ги прогласи победниците на оваа манифестација, кои се натпреваруваа во повеќе категории …
Како што изјави претседателот на жирито, Иван Јовев и покрај обемната работа и тешкиот избор сепак одлучи прво место во категоријата групни маски со над 50 учесници оваа година да и го годели на маската насловена „Вива ла вида“ од СОУ „Никола Карев“. Второ наградена е маската „Ветерниците на Дн Кихот“ на СОУ „Димитар Влахов“, третото место го делат маските „Мињони“ и „Пролетна парада“ од ООУ „Гоце Делчев“ од Василево и СОУ „Јане Сандански“.
Во категоријата групни маски до 50 лица прво место и припадна на маската „Театар на љубовта“ на здружението „Мулен руж“, а во категоријата до 20 лица победи маската под наслов „Танцот на лавот“ на ООУ „Маршал Тито“ маската „Засадија својата иднина“ на Илија Багашовски е прогласена за најдобра изворна маска. „Рециклиран барок“ на здружението „Ефтимови“ е прогласена за најдобра маска на слободна тема.
Наградниот фонд на Струмичкиот карневал 2014 година изнесува 400.000 денари, а вечер по „карневалското корзо“ наградите на најдобрите маски ќе им бидат врачени во НУЦК „Антон Панов“.
Како што информираат од струмичката полиција и годинашниот Струмички карневал поминал мирно и без никакви инциденти и нарушувања на јавниот ред и мир.