Интернационалниот фестивал на филмската камера „Браќа Манаки“ најавува дека годинава програмата „Нови визии“ шеста година по ред ја донесува иднината на филмот, претрпувајќи одредени концепциски и програмски измени.
По секој проектиран филм присутните во салата ќе учестваат во отворена дискусија која е иницирана од темата и од гостите од филмот, а под модераторство на Ѓорѓи Пулевски, еден од основачите на дебатното кино „Контракадар“, во кое членуваат филмски ентузијасти и активисти од Битола.
Во изминатите година и пол „Контракадар“ со своите филмски проекции и дебатни вечери го обележа културниот живот во градот на браќата Манаки, со што се наметнаа како инспирација во програмата „Нови визии“, чија основна цел е да го отвори фестивалот кон што повеќе млади луѓе и да ги претстави „новите визии“ од светот на филмот.
„Програмата нуди посебна свежина, без која Фестивалот Манаки не би бил истиот. Нешто повеќе од половина деценија како што оваа програма храбро презентира мултислојни предизвици на кои не можеме да останеме рамнодушни. Преку филмовите од Нови визии се отвораат критични теми и табу прашања, кои нè тераат колективно, а и индивудално да се преиспитаме длабоко во себе за да ги поместиме своите граници. И по форма и по содржина, програмата годинава е фрагмент од несекојдневната и неконвенционалната матрица на филмови, кои нудат вистинско визуелно и интелектуално искуство“, вели Пулевски.
За да има доволно време да се отворат што е можно повеќе аспекти во разговорите, оваа година Фестивалот претставува пет исклучителни, наградувани филмови и, како особена реткост, ќе има гости од речиси секој од насловите.
КРАТКИ ФИЛМОВИ:
ЛОША ФРИЗУРА/ BAD HAIR
Венецуела / 2013 / Драма / 93′
Venezuela / 2013 / Drama / 93′
РЕАЛИЗАЦИЈА / CREDITS:
Режија/Director: Mariana Rondón
Сценарио/Scr.: Mariana Rondón
Кинематографија/Cinematographer: Micaela Cajahuaringa
Улоги/Cast: Samuel Lange, Samantha Castillo
СОДРЖИНА / STORY:
ЈУНИОР има девет години и има „лоша фризура“. Сака да ја исправи косата за сликата во годишниот алманах, и да ја направи да му биде како на еден модерен поп-пејач. Ова води до несогласување со мајка му, Марта. Колку повеќе Јуниор се труди да изгледа „пицнато“ за да ја натера мајка му да го сака, толку повеќе таа го одбива, додека не е втеран во ќош, соочен
со болна одлука.
БЕЛА СЕНКА / WHITE SHADOW
Germany / 2013 / Drama / 117′
РЕАЛИЗАЦИЈА/CREDITS:
Режија/Director: Noaz Deshe
Сценарио/Scr.: Noaz Deshe and James Masson
Кинематографија/Cinematographers: Armin Dierolf, Noaz Deshe
Улоги/Cast: Hamisi Bazili, James Gayo, Glory Mbayuwayu, Salum Abdallah, Tito D. Ntanga, Riziki
Ally, James P. Salala, John S. Mwakipunda
СОДРЖИНА/STORY:
Приказната за Алијас, младо албино момче во бегство од локалните врачеви кои ловат албино луѓе и користат делови од нивните тела за своите напивки. Откако го посведочува на убиството на татко му, мајка му го испраќа да најде заштита во големиот град. Оставен е на грижа на вујко му, Космос, кој се возач на камиони и се бори за опстанок со неколку мали претпријатија. Во градот, Алијас е бистар и брзо учи, продавајќи очила за сонце, ДВД-а, и
мобилни телефони. Има мерак по ќерката на вујко му, Антоанет, иако вујкото не го одобрува тоа. Постепено, градот станува сличен како и дивата природа и каде и да патува Алијас, се применуваат истите правила на опстанок.
ВИОЛЕТОВО / VIOLET
Belgium / 2013 / Drama / 82′
РЕАЛИЗАЦИЈА / CREDITS:
Режија/Director: Bas Devos
Сценарио/Scr.: Bas Devos
Кинематографија/Cinematographer: Nicolas Karakatsanis
Улоги/Cast: Cesar De Sutter, Raf Walschaerts, Mira Helmer, Brent Minne
СОДРЖИНА / STORY:
Петнаесетгодишниот Џеси е единствен сведок на избодувањето на неговиот пријател Џонас. Сега мора да се соочи со семејството и пријателите од екипата на возачи на БЕЕМИКС и да им го објасни необјаснивото – како се чувствува во врска со тоа. Погледите на неговите блиски и неговата неспособност да одговори на нивните прашања полека го туркаат Џеси во
изолација, а тагата што полека го гуши не му дозволува да најде утеха.
ВАРВАРИ / BARBARIANS
Serbia, Montenegro, Slovenia / 2014 / Drama / 87′
РЕАЛИЗАЦИЈА/CREDITS:
Режија/Director: Ivan Ikić
Сценарио/Scr.: Ivan Ikić
Кинематографија/Cinematographer: Miloš Jaćimović
Улоги/Cast: Željko Marković, Nenad Petrović ”Flash”, Jasna Đuričić, Marina Vodeničar, Mirko
Vlahović
СОДРЖИНА/STORY:
„Варвари“ е тинејџ-драма за созревањето во свет во кој нема можности. Портрет на една млада генерација што расте во општество на изгубени вредности. Лука е млад човек во процес на созревање кој е водач на група на локални навивачи од втора лига, заедно со својот најдобар пријател Флеш. Под притисок на условната казна, семејните проблеми и тајната врска со девојка на еден од фудбалските играчи, Лука очајно се обидува да се вклопи.
БЛЕФ ПОКЕР / LIAR’S DICE
Индија / 2013 / Драма / 103′
India / 2013 / Drama / 103′
РЕАЛИЗАЦИЈА/CREDITS:
Режија/Director: Geetu Mohandas
Сценарио/Scr.: Geetu Mohandas
Кинематографија/Cinematographer: Rajeev Ravi
Улоги/Cast: Geetanjali Thapa, Nawazuddin Siddiqui, Manya Gupta, Vikram Bhagra, Murari Kumar
СОДРЖИНА/STORY:
Платното на филмот е растегнато од едно мало планинско селце наречено Читкул на границата со Кина, до индустрискиот рај на големите соништа, Градот Делхи. Во фокусот е една млада мајка од племенска заедница, Камала, и нејзината тригодишна ќерка која тргнува на патување напуштајќи ја роднАта земја во потрага по исчезнатиот сопруг. Во текот на патувањето сретнуваат дезертер од војска кој свесен за опасностите што ќе ги демнат на патувањето, решава да им прави друштво до нивната цел. Во филмот се зборува за чувството на залудност; гневот против системот, а исто така и се истражува динамиката на врската помеѓу маж и жена. Тоа е една линеарно раскажана приказна за патување, вонемирувачки сопоставена со Социо-поличката состојба на Индија во денешницата.
