Утре (петок, 31 август, 2012) во Куманово ќе се одржи третото издание на меѓународниот филмски фестивал „Future Shorts“.
„Уличен продавач на кино“, „Ќе се претвориме во нафта“, „Белешки по биологија“, „Гост“, „Утринска прошетка“, „Тумулут“ и „Огномет“ се насловите на 7-те филма кои ќе бидат прикажани на третото издание на фестивалот „Future shorts“.
Фестивалот „Future Shorts“ се одржува во повеќе од 50 градови низ целиот свет и е карактеристичен по тоа што го надминува класичниот модел на прикажување филмови, па проекциите ги изведува во музички центри, кино сали, театри, галерии, клубови и напуштени магацини.
Куманово е единствениот град од Балканот кој ја има честа да биде домаќин на ваков престижен фествивал на кратки филмски проекции.
Од 2003 година па наваму, „Future Shorts“ прикажува единствена програма со најдобрите кратки филмови од целиот свет.
„Future shorts“ во Куманово го организацираат невладината „Кран“ и клубот „WIRE“.