Извршниот одбор на „Маџирмаалските средби“ и Комисијата за реализација на манифестацијата „Маџирмаалски поетски средби“ распишуваат:
КОНКУРС
за доделување на главната награда „Маџирмаалски поетски бранови“ за 2023 година и две придружни награди за поетски творби
Критериуми за учество:
-
- Право на учество на конкурсот имаат сите граѓани на Република Македонија.
- Секој автор може да учествува најмногу со две свои необјавени поетски творби напишани на македонски јазик, од кои само една може да биде наградена.
- Членовите на Комисијата за реализација на манифестацијата „Маџирмаалски поетски средби“ немаат право на учество на конкурсот за време на мандатот.
- Песните што авторите ги доставуваат на конкурсот треба тематско-содржински да кореспондираат со заложбите за афирмација на урбаниот живот, навиките и традициите и во нив да е присутен мотив поврзан со Маџир Маало.
- Поетските творби треба да се во духот на соживотот и верската и национална толеранција. Доколку некој од учесниците пријави поетска творба со која се предизвикува верска или национална омраза, Комисијата што ќе ги разгледува, анализира и рангира песните има право да не дозволи учество на пријавениот учесник и неговата поетска творба.
- Учесниците на конкурсот треба да ги достават поетските творби анонимно, под одредена шифра, која е наведена на пликот што се доставува до Комисијата, а во пликот, покрај насловот на творбата треба да се наведат името и презимето на авторот, како и податоци за контакт.
Поетските творби може да се испраќаат од денот на објавувањето на конкурсот до 13 декември 2023 година, по пошта на следнава адреса:
„Маџирмаалски поетски бранови“
(за Конкурсот)
Ул. „Маџирмаало“ бр. 28
1000 Скопје
Комисијата од сите пристигнати поетски творби ќе избере една која ќе биде прогласена за најдобра поетска творба на „Маџирмаалските поетски средби“ и на авторот ќе му биде доделена главната награда „Маџирмаалски поетски бранови“ за 2023 година, а покрај првонаградената поетска творба ќе бидат селектирани уште две поетски творби за кои на авторите ќе им бидат доделени придружни награди.
Авторите ќе ги презентираат наградените поетски творби на манифестацијата „Маџирмаалски поетски средби“ што ќе се одржат на 20 декември 2023 година (среда) во просториите на Дом на АРМ ,Скопје , со почеток во 19 часот.
На авторот на првонаградената песна ќе му биде доделена диплома–плакета и паричен износ од 300 евра во денарска противвредност, а авторите на двете придружни поетски творби ќе добијат диплома–плакета и паричен износ од 100 евра во денарска противвредност.
Добитникот на првата награда, како и добитниците на двете придружни награди, се обврзуваат наградените песни да ги отстапат на организаторот на манифестацијата. Наградените песни авторите ги отстапуваат во ракопис и во печатена форма.
Извршен одбор Комисијата за реализација
на „Маџирмаалските средби“ на манифестацијата
Претседател
Зоран Панчевски – Тоске
