Љубителите на уметничката фотографија знаат дека во периодот меѓу двете Светски војни Унгарија беше во врвот во поглед на важноста на нејзините уметнички фотографи.
Изложбата во Националната галерија на Македонија е во соработка со Унгарска амбасада во Македонија, Унгарскиот музеј на фотографија и Скопско лето.
Фотографијата на фотографите како Андре Кертес (Андор Кертес/Andor Kertész), Ласло Мохоли-Наѓ (László Moholy-Nagy), Брасај (Brassaï, псевдоним: Ѓула Холас/Gyula Halász) и Мартон Мункачи (Márton Munkácsi) е на висока цена во целиот свет.
Исто така, ќе се претстават и делата на помалку познатите унгарски фотографи од периодот, меѓу кои на Ангело (Angelo), Карој Ешер (Károly Escher), Имре Кински (Imre Kinszki), Јожеф Печи (József Pécsi), Јудит Карас (Judit Kárász) и Иштван Керњ (István Kerny).
Ова ќе биде еден празник за љубителите на уметничката фотографија.
Од Националната галерија на Македонија во петок, (5 април), 19 часот, во објектот Мала станица.
