Carmen Rizzo со свој диџејски сет на 1-ви февруари (среда), со почеток од 22:30 часот, во клубот Кензо Танге, во Скопје.
Carmen Rizzo е електронски музичар, кој два пати до сега е номиниран за „Grammy“ награда. Тој како коавтор и музички продуцент се појавува на албумот „Seal 2“ на Seal, како коавтор и продуцент на албумот „Bunka“ на Paul Oakenfold, ремиксер на BT, Tiesto и многу други.
Неговото име се среќава и како соработник на Coldplay, Alanis Morissette, KD Lang, Ryuichi Sakamoto, Pete Townshend, Dido…
Музиката на Carmen Rizzo може да се најде како одјавна тема на Sony Play Station 3 видео игра „Uncharted 2: Among Thieves“, во хит серијата „True Blood“, „CSI Miami“, „The OC“ и т.н.
Тој е и композитор на музиката за филмот „Power of the Game“ на реномираниот британски режисер, добитник на Оскар Michael Apted, и автор на музиката на краткометражниот филм „Party Guest“ на истиот режисер.
Зад себе има четири студиски изданија кои високо котираат на светските топ листи.
Carmen Rizzo е артист на David Lynch фондацијата, во која покрај неговото име се спомнуваат Peter Gabriel, Moby, Iggy Pop, Tom Waits, Dave Stewart, Maroon 5, Arrested Development и други.
Влезот е бесплатен.
