Kонцерт на Мандолинскиот oркестар на МКЦ по повод 30 годишнoто постоење

Вечерва, (среда, 30 ноември 2011 година), со почеток во 20:00 часот, во салонот на МОБ ќе се одржи целовечерен концерт на Мандолинскиот Оркестар на МКЦ по повод 30 годишниот јубилеј од основањето на оркестарот.

Мандолинскиот Оркестар е основан во 1981 година, во рамките на музичката програма на поранешниот „Дом на млади – 25ти Мај“, денешен Младински културен центар.Иако членовите на оркестарот се аматери, тие одлично ги изведуваат делата на големите мајстори на музиката и звучат како вистински професионалци.

Репертоарот на оркестарот е богат и разновиден и вклучува дела на автори од различни епохи и стилови со акцент на сериозната музика и композиции пишувани во духот на македонскиот фолклор. Има учествувано на голем број фестивали во Македонија и во повеќе земји во Европа и има освоено престижни награди и признанија.

По освојувањето на повеќе награди на републичките смотри на мандолински оркестри во Прилеп следуваат настапите на:

– Интернационалниот фестивал на музика за млади во Вила Нова де Гаја во Португалија каде учествување 4 пати;

– Фестивалот „Музички Импресии“ во Бидгошч, Полска;Европскиот музички фестивал во Нерпелт, Белгија – три пати;Светскиот младински фестивал во Абердин, Шкотска;

– Учествува и на еден од најстарите за ансамбли составени од жичани инструменти кои се свират со плектрум во Логроњо, Шпанија;Меѓународен фестивал во Словенија (Стична) – два пати;

– Последно во низата успеси е освојувањето на Првата награда за оркестарот и специјална награда за диригентот на натпреварот на мандолински и гитарски оркестри „Прашки Струни“ во Прага, Чешка;

– Освоена втора награда во Имотски, Хрватска – 2011 година

На концертот по повод јубилејот ќе се изведе следната програма:

1. СТОЈЧЕ ТОШЕВСКИ ЉУБОВНА-ЈУНАЧКА – ДИПТИХ

2. ГОЦЕ КОЛАРОВСКИ „БЕТОВЕН“

3. ЈОХАН СЕБАСТИЈАН БАХ “СУИТА-АИР”

4. ВОЛФГАНГ АМАДЕУС МОЦАРТ “МАЛА НОЌНА МУЗИКА” -allegro

5. ХУЛИО РОДРИГО “АРАЊЕЗ”

6. ЈОХАНЕС БРАМС “УНГАРСКИ ТАНЦ БР.5”

7. ФРАНЦ ШУБЕРТ “СЕРЕНАДА” – Е-мол

8. ДРАГАН ШУПЛЕВСКИ “МАКЕДОНСКО КАПРИЧО”

9. АНТОНИН ДВОРЖАК “ХУМОРЕСКА”

10. ФРАНЦ ШУБЕРТ “МУЗИЧКИ МОМЕНТ”