„Под контрола“ е најновата песна, а воедно и видео спот на Тони Зен, кој ќе биде промовиран во киното Cineplexx на утре (среда, 13 март) со почеток во 20:00ч.
„Под контрола“ е насловот на најновата песна, која претставува дел од трилогијата на Тони Зен. “BMA BROTHERS” е продукцијата која стои зад ова видео, визуализирано од Тони Зен, а во режија на Мерт Арслан и Антонио Павловски. Музиката е на Нино Васков, а текстот на Тони Зен.
Темата на оваа песна го опишува глобалниот систем и неговото влијание врз човештвото кое живее под страв и притисок поради недостигот на информации и манипулирање. Песната ќе се најде на новиот албум на Тони Зен, насловен „МикроСкопски организам“ кој треба да биде издаден оваа година.