На 10 септември (понеделник) македонската група „Ла колони волвокс“ ќе одржи концерт во „Сачмо џез-клуб“ во Марибор, Словенија. Концертот е всушност промоција на нивниот петти албум насловен „АЕИОУ“.
Албумот „АЕИОУ“е под влијание на ворлд-музиката, а песните во него се на: француски, македонски, ладино, турски, босански јазик… Од Трубадурите и Катарите, преку Балканската култура и влијанието на исламот, се до рок ен рол музиката „АЕИОУ“ ја пренесува единствената универзална порака Љубовта!
Албумот содржи три оргинални, пет традиционални песни и две кавер верзии. „АЕИОУ“ треба да излезе кон крајот на септември под етикетата на домашната дискографската куќа „И гоу ист рекордс“.
Концертот во Словенија е организација на културната амбасада „Марибор“, во соработка со македонската амбасада во Словенија. По настапот во Марибор ќе следува и концертна промоција во Скопје, но и низ другите македонски градови.
„Ла колони волвокс“ беше формирана во 2002 година и до сега имаат реазлизирано 4 албуми:Abstractology (2006) Wasteland (2006) Europa (2009) East West and Rest (2010).