Четири американски продукции денеска на Локомоушн

Денешната програма на 7-от фестивал за современ танц и перформанс „Локомоушн“ ќе се одвива во РИЦ – Рисимкин Истражувачкиот центар.

locomotion_2014

Денеска (четврток 30 октомври 2014) во рамките на фестивалот Локомоушн #7на програмата која ќе се реализира во РИЦ /Рисимкин Истражувачки Центар, публиката ќе може да проследи четири претстави со танчери и уметници кои главно доаѓаат од Америка.

20:00 САМО-СОЗДАДЕН ЧОВЕК, ЗЕМЈА СОЗДАДЕНА ОД ЧОВЕК од Урсула Игли (САД) и КоџиСето (Јапонија)
фотографија: Anja Hitzenberger
Апстрактно дело кое не е целосно апстрактно. Фигуративни моменти трепкаат низ него. Луис Буржуа е референтна точка.
Ова дело се состои од јазик на движење кој Игли го истражува со години – згрчен и флуиден, чуден и елегантен, испрекинат и летаргичен. Сферичните зглобови го изоструваат неповрзаното тело. Структурата на звукот и движењето во овој танц ја огледува структурата на својот наслов. Тоа е речиси палиндром , речиси истото напред и назад, но во суштина се менува и развива. Ја поканува публиката да бара одблизу промени во формата, кои пак раѓаат промени во значењето.
Сето Коџи е јапонски композитор, член на уметничкиот колектив Флоу, и директор на уметничкиот колектив ROOT CULTURE. Проектите и делата на Флоу биле прикажани во многу музеи како МоМА (Њујорк), Batofar (Париз), Art Sonje (Сеул), YCAM (Јамагучи, Јапонија), and ICC (Токио). Како композитор , неговите дела биле објавени од страна на Soup-Disk (Токио) и Sonore (Франција), како и користени за телевизиската програма на NHK, јапонската национална радиодифузна компанија. Тој исто така соработувал со кореограката Јошико Чума во делото „Задржи го часовникот“, во продукција на ROOT CULTURE. Делата на Коџи се многу познати и ценети во Јапонија и тој работи како вондреден професор на Колеџот за музика на Универзитетот Ферис во Јокохама.
Урсула Игли е танчер уметник која живее во Њу Јорк. Нејзините дела се изведувани во The Chocolate Factory, Dance Theater Workshop, Danspace Project, Mount Tremper Arts, Movement Research at the Judson Church, the New Museum for Contemporary Art, The Brooklyn Museum of Art, и многу други простори во Њу Јорк. Таа учествува во интернационални размени, и е во постојана комуникација со Искра Шукарова (Македонија) со која се сретнала за време на изведбата на делото на Јошико Чума во 2006. Таа со своите дела патува во Албанија, Данска, Италија, Јапонија и Манипур, кои се поддржани од  Mid Atlantic Arts Foundation’s USArtists International program, New York Live Art’s Suitcase Fund, the Foundation for Contemporary Arts’ Emergency Grant Program, програмите на  Japan Foundation’s Performing Arts JAPAN,  Mertz Gilmore Foundation, и од Queens Council on the Arts. Урсула исто така го истражува перформансот преку пишување текстови кои се објавени во списанија како Artforum, исто така го уредува и Movement Research Performance Journal, Critical Correspondence, и два каталози на Danspace Project PLATFORM.
Само-создаден човек, земја создадена од човек е заеднички поддржано од Mount Tremper Arts и The Chocolate Factory Theater. Дополнителна поддршка е овозможена од Мерц Гилмор фондацијата (Mertz Gilmore Foundation). Ангажманот на The Mount Tremper Arts беше овозможена од Јапонската фондација преку програмата Изведувачки уметности ЈАПОНИЈА и од Foundation for Contemporary Arts’ Emergency GrantProgram. Ангажманот на The Chocolate Factory е делумно овозможен преку Советот на уметностите на Квинс од јавни фондови на Одделот за културни работи на Њујорк, во партнерство со Градскиот Совет. Ова дело беше подготвуваново Марк Морис Танц Центарот, меѓу другите места.
20:45 Претстава: ДИНАМИК_Емили Свиниј (САД)
Кореографија, текст &режија: Дебора Хеј, Адаптација &перформанс: Емили Свиниј
Емили Свиниј е кореограф и танчер, со потекло од Вермонт (САД), сега живее во Оукленд, Калифорнија. Нејзината работа се однесува на интеракција меѓу импровизација, кореографија, тела, сетила, простори и меморија. Емили учествува во работата на Claudia Bosse/theatercombinat на Impulstanz Vienna, работи и со Emily Johnson/Catalyst Dance. Таа има Мастер по истражување  [MRes (with distinction)] во перформанс и креативно истражување на Универзитетот Роехамптон во Лондон.
21:00 Претстава: P.O.CAJITA-Мартин Ланц Ландазури (Мексико/САД)

Истражување со предмет кој бил случајно пронајден на еден кров во Бруклин, Њујорк, приодот бил да се пронајде материјал, акустични карактеристики и форма кои можат да генерираат јазик преку дијалог и поставеност во просторот.

Мартин Ланц Ландазури (Мексико/Њујорк), Movement Research AIR 09, го користи Њујорк како свое пристаниште од 2006 година. Тој ги истражува шансите за соработки, резиденции за да ја збогати својата работа, и има престојувано во многу места како Мексико, Њујорк, Куба, Данска, Бразил, Уругвај и Австралија со различни учители и соработници. Тој неодамна ја организираше:http://laboratoriocondensacion.tumblr.com/

21:30 Претстава: ТЕЛОТО МОЖЕ ДА РЕЗОНИРА- Питер Скискиоли (САД)
Музика кореографија и перформанс: Питер Скискиоли
фотографија: Julieta Cervantes
Со ова ново дело, Скисколи продолжува да ја истражува својата љубопитност за врската меѓу вокализирањето и движењето, како  движењето на звукот влијае на телото и обратно. Исто така, тој се занимава со едноставноста на изведбата ослободена од техничка помош (лишена од електроника, претходно снимена музика или видео), а наместо истата ја следи линијата на изведба, наречена, како што предлага Бен Спац, “што може да стори телото“. Секој перформанс е под влијание на акустичките можости на просторот во кој што се изведува. Солото постои со корени во музичките форми и во импровизирани структури на движења, комбинирајќи го бекграундот на Сцисциоли како пејач, танчер, кореограф и ки-гонг практичар.
Питер Скискиоли е изведувач кој живее и работи во Њујорк, креатор, едукатор и продуцент, чија што работа опфаќа танц, музика, театар и филм. Од 1997 година тој креира дела на интердисциплинарен перформанс со широк спектар на соработници кои работат на концептот, контекст-специфичните и театарски простори низ светот. Од 2003 година Питер соработува со композиторката/пеачка/музичар Мередит Монк, и е член на  Jane Comfort и Company од 2004-2010. Тој исто така е ко-основач М6,  вокален ансамбл посветен на зачувување на исклучителното музичко наследство на Монк; основач е и на  International Interdisciplinary Artists Consortium, мрежа на уметници и продуценти кои работат во полето на културата и мултидисциплинарноста. Питер има чест да настапува во големи прстори низ САД, Централна и Јужна Америка, Источна и Западна Европа. Тој предава во Earthdance и универзитети ширум САД и Мексико. Во моментов тој работи на долгорочен проект со актерката/вокалистка Ана Софрониевиќ, и работи како директор на проектот Meredith Monk/The House Foundation, учител за глас на Trinity/La Mama Urban Arts Semester NYC, и како куратор на годишната резиденција и фестивал Earthdance.
21:45 Пост – шоу разговор со изведувачите: модерирано од Јасмина Заложник(дел од Критичка пракса_made in YU_програмa, LLB)

You May Also Like