Со познатите звуци од валцерите на легендарниот Јохан Штраус синоќа (сабота, 8 март) во хотелот Александар Палас беше отворен годинешниот Виенски бал …
На балот кој традиционално по 15 пат годинава се одржа во Скопје, во организација на Здружението за културна соработка „Јохан Штраус“, а под покровителство на Австриската амбасада во Македонија, меѓу бројните гости присуствуваше и министерката за култура Елизабета Канческа-Милевска.
Виенскиот бал во Скопје е културно музичка манифестација што ја потврдува македонско-австриската соработка на полето на културата и уметноста. Врвни уметнички имиња од земјава и музиката на легендарната династија Штраус прават оригинален спој на културите на двете држави.
На балот и оваа година настапија бројни врвни уметници, гостите се дружеа со звуците на виенскиот валцер, со естравагантноста и со уметноста во која се чувствува легендарниот музички дух на Виена.
