Ви го претставуваме тековниот кино репертоар во Градското кино Милениум, кој е на програмата од утре (петок, 2 декември 2011 година):
ПОЛНОЌ ВО ПАРИЗ (94 мин.)
Гил и Инес патуваат во Париз, придружувајќи им се на родителите на Инес. Гил е успешен холивудски писател, но наидува на потешкотии при завршувањето на својот прв роман. Тој се вљубува во градот и мисли дека треба да се преселат таму откако ќе се венчаат, но Инес не ја дели неговата возбуда за градот, ниту пак идејата дека дваесеттите години од минатиот век биле златно доба.
Кога Инес оди на танцување со нејзините пријатели, Гил оди на полноќна прошетка, при што наоѓа инспирација за понатамошно пишување. Неговите полноќни прошетки ќе го доведат поблиску до срцето на градот, а ќе го оддалечат од жената со која планира да се жени…
Режија: Woody Allen
Улоги: Owen Wilson, Rachel McAdams, Kurt Fuller, Mimi Kennedy, Michael Sheen
Проекции: 20:00 и 22:30 часот
АВАНТУРИТЕ НА ТИНТИН (107 мин.)
Во режија на Стивен Спилберг и продукција на Питер Џексон (Peter Jackson), ни доаѓа вистински авантуристички спектакал: „Авантурите на Тинтин“ снимен во дигитална 3Д технологија. Комбинирајќи три приказни од истоимениот стрип на авторот Жорж Реми (Georges Remi) , дејствието на филмот се врти околу Тинтиновата прва средба со капетанот Хадок (Andy Serkins) и откритието на трагата што ќе ги одведе во вистинска авантура – потрагата на богатството на Тинтиновиот предок.
Во потрагата ќе им се придружат и двајца бегалци, како и детективите Томсон и Томсон…
Режија: Steven Spielberg
Улоги: Jamie Bell, Andy Serkis, Daniel Craig
Проекции: понеделник/петок 17:30 часот
сабота/недела 15:00 и 17:30 часот
ШТРУМФОВИТЕ (103 мин.)
Кога лошиот Гаргамел ќе ги избрка Штрумфовите од нивното село, тие од нивниот магичен штрумфовски свет ќе се најдат во светот на луѓето, токму во срцето на Њујорк. Преку бројни и возбудливи авантури тие мора да најдат начин да се вратат во нивниот свет, пред да ги пронајде лошиот Гаргамел.
Првата филмувана верзија на незаборавните сини јунаци од малите екрани. Уште една голем авантура на Веле Штрумф, Лутко, Текнувало, Штрумфета …но овој пат преку гласовите на холивудските ѕвезди Ханк Азарија, Кејти Пери, Џорџ Лопез и многу други, кои ја прават оваа штрумфовска авантура уште поголема. Штрумфнете и бидете дел од неа.
Режија: Raja Gosnell
Улоги: Hank Azaria, Katy Perry, Jonathan Winters
Проекции: сабота/недела 11:00 и 13:00 часот
Циклус Европски филм: ТИЛТ (94 мин.)
(Од понеделник 05.12.2011.)
Во почетокот на деведесетите години, четворица другари се обидуваат да заработат пари следејќи го својот сон да отворат бар кој ќе се нарекува “Tilt”. Една непланирана средба ќе ги спои Сташ и Беки во страсна љубовна врска. Неочекувано, пријателите ќе бидат фатени како дистрибуираат порнографски филмови. Таткото на Беки, полковник во полиција, го зема случајот во свои раце и им се заканува со мерка затвор. Единствен начин да се избегне мерката затвор е Сташ и Беки да престанат да се гледаат. Групата одлучува да избега во мало германско село. Стануваат сиромашни емигранти кои ќе се најдат во многу апсурднии и смешни ситуации. Сташ упорно се обидува да ја придобие Беки, но, безуспешно. Четворицата пријатели одлучуваат да се вратат во Бугарија. Во меѓувреме, во Бугарија многу работи се промениле, меѓу кои и Беки…
Режија: Виктор Чучков
Улоги: Јавор Бахаров, Радина Карџилова, Ованес Торосијан
Проекции: понеделник-петок од 13:00 и 15:00 часот