Мет: во живо во висока резолуција, наградуваниот серијал на Метрополитен Операта и оваа година ќе бидe прикажан на големото платно во Cineplexx.
Сезоната 2014/15 ќе биде директно пренесувана на повеќе од 2.000 кино платна, во 65 земји ширум светот.
„Ова е наша деветта сезона со која им овозможуваме на љубителите на оперите директно да уживаат во овие изведби“, изјавува генералниот менаџер на Метрополитен Опера, Питер Гелб. „Навистина е големо задоволството што сме во можност да продолжиме со претставувањето на еклектичниот избор на опера, нудејќи ново искуство и уживање во нашиот репертоар на љубителите на оперите, низ кината ширум светот.“ Сезоната 2014-15 ни носи вкупно десет претстави, вклучувајќи шест нови продукции. Сите претстави кои ќе бидат со пренос во живо од сцената на Мет, ги изведуваат најдобрите пејачи, диригиенти и театарски уметници.