На свеченоста ќе бидат претставени стихозбирките „Погрешен човек“ и „Под потковицата на коњот“.
Во понеделник (27 октомври 2014) во Здружението на писателите на Србија, со почеток во 12:00 часот, ќе се одржи промоција на две книги од македонскиот поет Христо Петрески. На свеченоста ќе бидат претставени стихозбирките: Погрешен човек и Под потковицата на коњот.
За книгата Погрешен човек Петрески ги доби наградите Иво Андриќ и Македон, па ова е второ двојазично издание на македонски и српски јазик на наградената книга, која ја објавува Националниот совет на Македонците во Србија, а книгата Под потковицата на коњот е на српски јазик и во издание на Клубот на љубителите на книгата Мајдан.
Инаку, на претстојниот Меѓународен саем на книгата во Белград, во рамките на саемските презентации ќе биде претставена уште една книга од Христо Петрески – раскази на српски јазик, а во издание на Арте од Белград.