Премиера на претставата „Тобелија“ во Бугарија на Мал драмски театар – Битола, Драмско куклен театар – Враца и Фестивалот ЕксПонто – Љубљана во Бугарија …
Мал драмски театар – Битола, Драмско куклен театар – Враца и Фестивалот ЕксПонто – Љубљана, вечер и утревечер во бугарскиот град Враца премиерно ќе ја прикажат новата копродукциска претстава „Тобелија“ во режија на Ник Апер.
– Копродукциската соработка е резултат на нашите претходни успеси со заедничките претстави „Столови“ и „Грав“ со кои настапивме и освоивме врвни награди на повеќе фестивали од Лондон се до Санкт Петербург, истакна Благој Стефановски, основач и менаџер на Мал драмски театар-Битола.
Текстот е на Љубомир Џурковиќ, а во претставата играат Јоана Поповска, Камелија Лишковска и Росица Огњанова. Костимограф е Марија Диманова, кореографијата е на Јасна Кнез, а драматург е Ина Ѓулева. Изборот на музика го направи Дамир Домитровиќ.