Вечерва (сабота, 27 април), во Капан Ан, во Старата скопска чаршија ќе настапи еден од најистакнатите драменбејс артисти од Србија – Иван Гогоски.
Овој Белграѓанин веќе 15 години настапува како DJ, а скоро пет години работи како уредник и водител на холандското драменбејс радио jungleradio.net, под псевдонимот Breaksta.
Во последно време е исклучително посветен на сопствената дискографска куќа Reminiscence Audio, која ја зачна минатата година. За етикетата на Иван веке имаат потпишано значајни имиња од меѓународната драменбејс сцена како DJ Trace, Voyager, DJ Trax…
Иван Гогоски има настапувано по сите значајни клубови во Белград. Во два наврата се претставил на Exit фестивалот.
Во Скопје доаѓа по втор пат. Минатиот пат се претстави доста успешно со џангл сет, а овој пат доаѓа да нѐ потсети на најплодната ера на драменбејсот, (втората половина на деведесеттите), популарно наречен „Старата школа“. А Иван Гогоски е познат како човекот кој ја има најголема колекција на old school драменбејс винили на Балканот.
Атмосферата на општа реминисценција со своите раритети ќе ја подгреат домашните диџеи, проверените old school винилољупци Ogie и Hade.
Почетокот е на полноќ, а влезот е 150 денари. Гостувањето на Иван Гогоски се реализира благодарение на MJM – Macedonian Junglist Movement, а на иницијатива на Скопје Вавилон – нова форма на активизам, која обединува креативни умови и стимулира активности за одржување и унапредување на културниот живот на Скопје.
IVAN GOGOSKI
Ivan Gogoski/Breaksta Soundcloud
Ivan Gogoski/Breaksta Mixcloud
OGIE
HADE