Прилепскиот театар “Војдан Чернодрински” при ЦК”Марко Цепенков” од Прилеп вечерва по повод Светскиот ден на театарот од 19:30 часот ќе ја прикаже претставата “Од кол на кол”, во режија на Коле Ангеловски.
Влезниците за претставата “Од кол на кол” се бесплатни, а публиката ќе има можност по 90 пат да ја проследи оваа интересна, урнебесна комедија кој седум сезони го полни театарот.
Инаку, со изведбите оваа култна претстава ,,Од кол на кол,, полека се доближува до најгледаната претстава во досегашното постоење на прилепскиот театар “Солунски патрдии” која е сто пати одиграна.
Во ЦК “Марко Цепенков” се посебно горди на успесите на театарот, кој има подмладена екипа и успешно ја освојува публиката со претставите што ги реализира.