Станува збор за продолжението на популарниот филм „Монтевидео, бог да те види“ од 2010 година кој во регионот стана голем кино хит и врз основа на кој е снимена истоимената телевизиска серија. Неговото продолжение „Монтевидео, се гледаме“ доаѓа во киното Cineplexx од 13 февруари.
Дејствието на филмот „Монтевидео, се гледаме!“ е фокусирано на играчите на југословенската фудбалска репрезентација кои во 1930 година пристигаат во познатиот град во Уругвај, каде ќе се оддржи Светското фудбалско првенство. Покрај самите натпревари кои ги одигра тогашната репрезентација за време на првенството, во филмот паралелно течат и неколку интересни приказни (кои љубовни, кои национални, а кои и фудбалско-професионални).
Во филмот главните улоги ги толкуваат Милош Биковиќ, Петар Стругар, Бранко Џуриќ, Виктор Савиќ, Небојша Илиќ, Војин Четковиќ и Предраг Васиќ. Во една од споредните улоги се појавува и познатиот холивудски актер Арманд Асанте во улога на фудбалски менаџер.
По големиот успех на филмот „Монтевидео, бог да те види“ подоцна се појавува и серијата. Во меѓувреме режисерот Бјелогрлиќ во потполна тајност го снима и филмот „Монтевидео, се гледаме!“, а самата продукција е една од најскапите некогаш снимени на нашите простори.