Триесетина академски уметници од Македонија, Косово и Албанија творат дела како дел од ликовната колонија Гостивар Арт.
Годинава учесниците ќе работат тематски и во масло на платно ќе ги сликаат пејзажите во Гостиварско.
Во рамки на колонијата синоќа се организираше и хепенинг за децата на градскиот плоштад. Тие заеднички на големо платно ги покажаа своите уметнички вештини и талент.
Делата од ликовната колонија Гостивар ќе бидат изложени денеска (понеделник, 8 октомври, 2012) во Центарот за култура.