Конкурсот на Exit за настап на фестивалот, именуван „Play @ Exit“ започна во понеделникот (30 април) и ќе трае сѐ до понеделник, 21 мај 2012 година. Exit и оваа година ги отвора вратите за сите заинтересирани соло изведувачи, бендови и диџеи за кои конкурсот ќе биде прилика и шанса да ја презентираат својата работа на некоја од фестивалските бини, но и да бидат приметени од страна на менаџерите, букинг агентите и новинарите од целиот свет.
Сите заинтересирани поединци и бендови и оваа година можат да конкурираат така што ќе се регестрираат на сајтот www.exitmusic.rs. Со регистрацијата и пополнувањето на апликацијата секој бенд воедно се пријавува и на конкурсот за настап на Exit 2012. За сите изведувачи кои веќе имаат свој профил на сајтот, доволно е да се логираат и на својата лична страница да кликнат на „Apply for 2012“. Деталните упатства и пропозиции на конкурсот може да ги најдете на Exitmusic.rs.
Секоја година најдобрите изведувачи ги бира програмската продукција на Exit фестивалот, со помош на медиските соработници, партнери и секако – публиката! Истотака, како и секоја година, се повикуваат сите посетители на сајтот exitfest.org да ги „лајкуваат“ изведувачите кои најмногу им се допаѓаат, бидејќи изведувачите со најмногу лајкови ќе имаат поголеми шанси да бидат одбрани за настап на Exit!
Play @ Exit конкурсот се реализира, со голема поддршка на онлајн музичката платформа Soundcloud. При пријавувањето на конкурсот, бендовите и диск џокеите ќе можат на сајтот да постават и плејер со своите песни или подолг диџеј сет од Soundcloud.com. Овој чекор не е задолжителен и пред сѐ служи за дополнителна промоција на музиката на бендовите и диџеите кои се пријавуваат на конкурсот. Од Soundcloud.com ќе го промовираат овој конкурс преку својата широка мрежа на корисници, така што на сите учесници на конкурсот им се препорачува да ја искористат оваа можност.
Изминатата година на конкурсот „Play @ Exit“ се пријавија повеќе од 950 изведувачи од целиот свет! Бендовите кои беа избрани на минатогодишниот конкурс настапуваа на Exit Music Live бината, но и на големите бини како Fusion и Explosive. Резултатите од претстојниот конкурс ќе бидат објавени на 12 јуни. Ги чекаме вашите пријави!
Настапот на овогодинешниот Exit фестивал кој ќе се одржи од 12 – 15 јули на Петроварадинската тврдина до сега го потврдија:
Guns N’ Roses, Duran Duran, New Order, Erykah Badu, Plan B, Avicii, Richie Hawtin, Gossip, Wolfmother, Luciano, Laurent Garnier LBS, Miss Kittin, Hercules & Love Affair, The Toy Dolls, Skindred, Little Dragon, Felix Da Housecat, Totally Enormous Extinct Dinosaurs, Azari& III, BurakaSomSistema, Sneaky Soundsystem, Art Department, MaceoPlex, Reboot live, Brodinksi, Kenny Larkin, Robert Dietz, Citizens!, D.R.I., When Saints Go Machine, MaayanNidam, Street Dogs, Lone, Pariah, Teengirl Fantasy live, The Chain …
Влезниците за Exit кој ќе се одржи од 12 -15 јули 2012 година, се во продажба. Повеќе информации за влезниците и продажните места може да најдете на: www.exitfest.org и www.mktickets.mk.