Заврши снимањето на краткиот филм „Намини бар еднаш“ режисерско деби на Косара Митиќ. Филмот е во продукција на Скопје Филм Студио.
Филмот е финансиски поддржан од страна на Филмскиот Фонд на Република Македонија и SEE Cinema Network.
Улогите во филмот ги толкуваат Кристина Леловац, Славиша Кајевски, Оливер Митковски, Драгана Левенска и Александар Микиќ, а авторската екипа ја сочинуваат Ѓорѓи Клинчаров, кинематографер; Крсте Џидров, сценограф; Жаклина Крстевска, костимограф; Жанета Димитриевска, шминка и фризура; Катерина Грубач, кастинг; Владимир Павловски, монтажа.
Продуцент на филмот е Томи Салковски, а извршен продуцент Никола Мадиќ.