Утре (петок, 18 април) се случува седумнаесетото по ред издание во втората сезона настани организирани од скопската промотерска организација Drop Series.
Капан АН е местото каде секој втор петок во месецот се одржуваат забави на кои настапуваат резидентите на оваа организација, како и многу домашни и странски гости.
На 18ти април, на овој подиум во Скопската чаршија со свои сетови ќе се претстават скопските диџеи Видиновски, Виктор Апостолски и Бојан Ивановски.
За визуелниот дел ќе бидат одговорни Lazy Kidz, а настанот почнува точно на полноќ.