Денеска (07 март, четврток) во клубот Сектор 909 ќе се одржи промотивна забава за новиот бугарски фестивал на снег, Horizon Festival. На забавата ќе настапат скопските диџеи DJ Strajk и DJ Chvare.
За првпат оваа година во Банско во соседна Бугарија ќе се одржи Horizon, голем музички фестивал на снег. Фестивалот започнува на 23ти Март, ќе трае до 29ти Март и ќе опфати голем број на диџеи и бендови од Dubstep до 80s House, Techno, Garage & Dance и Hip Hop. Фестивалот нуди уникатна забава на врвовите на планината. Секој ден од пладне до вечер ќе настапуваат диџеи на планински рејвови во баровите на патеките.
Фестивалот е предводен од пронаоѓачот и директор на хрватските фестивали Outlook и Dimensions, Jack Robinson. Фестивалот ќе понуди диџеј сетови на преку 50 диџеи меѓу кои Crazy P, Jackmaster, Kink, Alex Arnout, Phaeleh, Loefah, Dj Cheeba и многу други.