Од утре (четврток, 27 февруари) на репертоарот на кино Милениум, публиката ќе има можност да го проследи најновиот, а според критиката и еден од најдобрите воени филмови на сите времиња „Единствен преживеан (Lone Survivor)“, во режија на Peter Berg, со Mark Wahlberg, Taylor Kitsch, Emile Hirsch.
Во петок(28 февруари), во 20:00 часот следува хуманитарната проекција на филмот „Трето Полувреме“.
Билетот за оваа проекција ќе чини само 100 денари, а средствата собрани од продажба на билети ќe бидат донирани за третман со пресадување матични клетки на младата 27-годишна Марга Велеска, која боледува од церебрална парализа. Средствата и се потребни за реализација на третманот во руската клиника “Neuro Vita – Moskva”.