Во сабота (11 август, 2012 година) летниот клуб Сектор 909 ја започнува серијата на странски диџеј гостувања за месец август со промотивна забава за солунскиот фестивал Reworks на кој ќе настапат диџеите Ison и Nikola Gala.
Осмото издание на Reworks фестивалот ќе се одржи од 21-23 септември во Вилка Ареа во Солун. Како главни хедлајнери за овој фестивал се најавени Nicolas Jaar со својот бенд, диџеј дуото Soul Clap, американскиот бенд Chromatic и најпопуларниот диџеј и продуцент оваа година Maceo Plex. Повеќе информации за овој фестивал ќе може да се добијат на забавата во Сектор 909 каде ќе биде поделен промо материјал.
Ison е веќе добро познато име на македонската публика, диџеј кој гостувал неколку пати. Тој е организатор на Reworks фестивалот и еден од основачите на NON, колективот за промоција на електронска музика. Како дел од Actor One дуото досега има изданја за Get Physical, Kindisch и International Deejay Gigolos.
Nikola Gala за првпат ќе гостува во Македонија. Овој талентиран диџеј и продуцент е долги години на house сцената со изданија и ремикси за издавачки куќи како Freerange, Plastic City, Ibadan и Rekids. Има настапувано низ целиот свет а неговите сетови се карактеризираат со моќен звук кој не остава никого рамнодушен на подиумот.
Како домашна поддршка ќе настапи скопскиот диџеј Танчевски. Забавата започнува на полноќ.
Во август следуваат настапите ина: Jimpster (Freerange, UK), Kenny Larkin (Cadenza, USA) и Underground Resistance – Timeline [live] (UR, USA).