Чешкото издание на збирката „Квартети за читање, гледање, пеење и слушање“ на писателот Владимир Мартиновски, имаше две промоции на 21 и 22 мај во Брно, Чешка Република.
Збирката беше објавена на чешки јазик минатата година, во издание на издавачката куќа „Ветрне млини“, а во препев на Славомира Рибарова.
Збирката визуелна поезија на познатиот писател и универзитетски професор „Квартети за читање, гледање, пеење и слушање“, во издание на „Кликер книги“, беше добитник на престижната награда „Браќа Миладиновци“ на Струшките вечери на поезијата за 2010 година. Избрани песни беа преведени на повеќе јазици, а чешкото издание е првиот интегрален превод на збирката.