Седумнаесеттиот „Блуз и соул фестивал“ вечер (вторник, 18 септември) во 20:30 часот ќе го отвори блуз-гитаристот Игор Атанасовски, познат како Харе.
Харе ќе настапи со својот бенд: Златко Михајловски-Бумбар на тапани, басистот Трајко Симоновски-Таци, Жарко Пејковски, кој ќе биде задолжен за електрониката и клавијатуристот Петар Лукиќ.
Гуру Харе и неговиот бенд ќе се претстават со нов авторски материјал – песни што ќе се најдат на албумот чиј работен наслов е „Мафе дел Хар“, а чие излегување е планирано за крајот на годинава.
Првата вечер ќе биде заокружена со настапот на американскиот вокалист и гитарист Маркус Мелоун и неговиот придружен состав.
Втората вечер,тематски му е посветена на ненадминатиот гитарски херој Џими Хендрикс.
