Во рамките на битолското културно лето “Бит Фест 2014” се одржа традиционалното прогласување на најпопуларните музички изведувачи “Ѕвездената орбита на популарноста”.
“Ѕвездената орбита на популарноста” како и секоја година и годинава е во организација на битолската телевизија „ТВ Орбис“. На сцената на Широк Сокак свој настап имаа плејада популарни имиња од македонската фолк сцена како: Андријана Алексиевска, Елена Јовчевска, Елена Велевска, Џесика Палашкоска, Ленче Марковска, Билјана и групата Орхидеја и многу други.